Azərbaycan Premyer Liqasında mövsümün ilk yarısının oyunlarını izləyən tamaşaçı sayı bəlli olub. Apasport.az saytının məlumatına görə, arxada qalan 2 dövrənin 14 turunun 56 qarşılaşmasını ümumilikdə 126 min 670 nəfər izləyib.

Çempionatın hər matçında orta hesabla 2262 seyrçi qeydə alınıb.

Mövsümün arxada qalan hissəsində ən çox tamaşaçı XI turun “Kəpəz” – “Qarabağ” görüşündə olub. Bu oyunu 13 min 300 nəfər izləyib.

Ən az tamaşaçı isə “Qəbələ”nin autsayderlə - “Kəpəz”lə matçına təsadüf edib. Həmin qarşılaşmada cəmi 175 seyrçi olub.

Ev oyunlarındakı orta tamaşaçı sayına görə isə “Kəpəz” çempionatın mütləq lideridi. Qərb təmsilçisinin 6 ev matçını 50 min 600 nəfər izləyib. Gəncədəki hər görüşdə orta hesabla 8 min 433 nəfər qeydə alınıb.

Ümumiyyətlə isə ilk “üçlük”də ölkənin ən köklü komandaları qərarlaşıb. Hər oyuna 2533 tamaşaçı toplayan “Neftçi” 2-cidi. 3-cü pillədə yer alan “Qarabağ”da isə bu rəqəm 2400-dü.

Zirvədə ən köklü klublar yer alıbsa, cədvəlin ən aşağı üç pilləsində Premyer Liqanın ən gənc komandaları qərarlaşıb. Debütant “Səbail” sonuncudusa, “Zirə” 7-ci, “Sumqayıt” 6-cıdı.

• "Qalatasaray" Çalhanoğlu üçün hərəkətə keçdi
• Klopp ilk ev oyununda uduzdu – Məsuliyyəti üzərinə götürdü
• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI