[b]“Neftçi” intizamsızlıqda birincidi[/b]

01.04.2016 - 16:00

Topaz Premyer Liqasının başa çatan 3 dövrəsinin ən intizamsız klubu “Neftçi”di. Apasport.az saytının məlumatına görə, “ağ-qaralar” keçirdiyi 27 oyunda 8-i qırmızı olmaqla, 95 vərəqə alıb.

Hər iki göstəricidə bütün klubları arxada qoyan paytaxt təmsilçisinin ən yaxın izləyicisi “Sumqayıt”dı. İntizamsızlıqda 3-cü “Rəvan”dı.

Çempionatın ən az vərəqə alan komandası “Qarabağ”dı. Cari mövsümdə 1 futbolçusu meydandan qovulan Ağdam təmsilçisi 41 vərəqə alıb. Eyni sayda “qırmızı” alan “Qəbələ”də ümumi vərəqə sayı 51-di.

Ümumilikdə isə baş tutan 135 qarşılaşmada 40 qırmızı vərəqə qeydə alınıb. Hakimlər cəmi 688 dəfə əlini cibinə atıb.

	Klub	Vərəqə	Qırmızı
1	Neftçi	95	8
2	Sumqayıt	87	6
3	Rəvan	78	5
4	Zirə	78	4
5	İnter	71	4
6	AZAL	66	4
7	Kəpəz	64	2
8	Xəzər Lənkəran	57	5
9	Qəbələ	51	1
10	Qarabağ	41	1