Ağdamın “Qarabağ” klubu ilkə imza atıb. Apasport.az saytının məlumatına görə, əyalət klubu tarixində ilk dəfə pley-off mərhələsində qələbə qazanıb.
5-ci dəfə Avropa Liqasının bu raunduna çıxan Qurban Qurbanovun yetirmələri İsveçrədə baş tutan ilk matçda “Yanq Boyz” 1:0 hesabı ilə məğlub edib. Bunadək pley-offun 8 matçında 3 heç-heçə edib, 5 məğlubiyyət alan təmsilçimiz ilk qələbəsini rəsmiləşdirib.
Düzdü, “Qarabağ” pley-offu səfərə qolu sayəsində keçməyi də bacarıb. Lakin buna qələbəsiz nail olan ağdamlılar ilk qalibiyyətini 9-cu matçda aldı.
Ümumiyyətlə isə Azərbaycan klubları pley-offada ikinci dəfə qalib gəldi. İlk belə uğura 3 il əvvəl Kiprdə APOEL-i məğlub edən (3:1) “Neftçi” imza atmışdı. Bu uğuru təkrarlayan “Qarabağ” cavab qarşılaşmasında ilkə imza ata bilər.
Belə ki, indiyədək 8 dəfə pley-off oyunu Bakıda keçirilsə də, komandalarımız evdə qalib gəlməyib. Ağdam təmsilçisi avqustun 27-də bu sindromu da qırmağa çalışacaq.
Azərbaycan klubları Avropa Liqasının pley-off mərhələsində
2009/10
“Tvente” (Hollandiya) – “Qarabağ” – 3:1, 0:0
“Bakı” – “Bazel” (İsveçrə) – 1:3, 1:5
2010/11
“Borussiya” (Dortmund, Almaniya) – “Qarabağ” – 4:0, 1:0
2012/13
“Neftçi” – APOEL (Kipr) – 1:1, 3:1
2013/14
“Qarabağ” – “Ayntraxt” (Almaniya) – 0:2, 1:2
2014/15
“Qarabağ” – “Tvente” (Hollandiya) – 0:0, 1:1
“Partizan” (Serbiya) - “Neftçi” – 3:2, 2:1
2015/16
“Qəbələ” – “Panatinaikos” (Yunanıstan) – 0:0
“Yanq Boyz” (isveçrə) – “Qarabağ” – 0:1
Oxşar xəbərlər
Ana səhifə
Bütün xəbərlər