[b]“Xəzər Lənkəran” üçün yeni rəqib[/b]

23.09.2014 - 11:57

Topaz Premyer Liqasının 6 turunun 26 oyununu 64650 tamaşaçı izləyib. Apasport.az saytının məlumatına görə, çempionatın arxada qalan hissəsinin hər oyununa orta hesabla 2486 seyrçi gəlib.

Nəticəsi ləğv olunan qarşılaşmanı nəzərə almasaq, yalnız 3 klub orta göstəricini arxada qoyub. Yarandığı gündən ardıcıl 10 mövsümdü tamaşaçı sayında 1-ci olan “Xəzər Lənkəran” yenə hamıdan öndədi.

Amma bu dəfə cənubluların ciddi rəqibi var. Belə ki, “Araz-Naxçıvan” da topladığı azarkeş sayı ilə cənublular kimi yüksək rəqəmə nail olub. Bu iki komandanın 5 ev oyununu 37600 tamaşaçı izləyib. Bu isə ümumi tamaşaçı sayının 58 faizidi.

yer	klub	oyun	tamaşaçı	orta
1	Xəzər Lənkəran	3	23000	7667
2	Araz-Naxçıvan	2	14600	7300
3	Simurq	3	6500	3167
4	Qəbələ	3	7300	2433
5	Sumqayıt	2	3100	1550
6	Neftçi	3	3850	1283
7	Qarabağ	3	2700	900
8	İnter	3	1800	600
9	AZAL	2	1000	500
10	Bakı	2	800	400

Qeyd edək ki, avrokuboklarda təmsilçilərimizin 10 ev oyununda 166550 tamaşaçı qeydə alınıb. Bu isə orta hesabla 16655-ə bərabərdir. Bu isə Premyer Liqadan təxminən 7 dəfə çoxdur.