Mövsüm başa çatan kimi istirahətə çəkilən “Xəzər Lənkəran”da bütün futbolçular evə buraxılıb. Apasport.az saytının məlumatına görə, komandanın əcnəbi oyunçuları da artıq öz vətənlərinə yollanıblar.
Bu mövsüm “ağ-yaşıllar”ın formasını geyinmiş qapıçı Vyekoslav Tomiç, müdafiəçi Adrian Skarlatake və yarımmüdafiəçi Alfred Sanko hazırda öz ölkələrindədi. Baş məşqçi Elbrus Məmmədov saytımıza açıqlamasında hər üç oyunçunun yay təlim-məşq toplanışı zamanı düşərgəyə qayıdacağını bildirib: “Onların klubla müqaviləsi davam edir. Ölkələrinə sadəcə, dincəlməyə gediblər. İyunun 20-dən sonra toplaşmağı planlaşdırırıq. Həmin vaxt da Tomiç, Skarlatake və Sanko komanda ilə birlikdə olacaqlar”.
Qeyd edək ki, “Xəzər Lənkəran”ın digər əcnəbi futbolçusu Sadio Tounkara isə hazırda zədəsini sağaltmaqla məşğuldu.
Oxşar xəbərlər
Ana səhifə
Bütün xəbərlər