[b]“Zirə”nin öz “zirvə”si[/b]

27.02.2018 - 10:14

Azərbaycan Premyer Liqasının XVII turundan sonra çempionatın intizam cədvəli açıqlanıb. Apasport.az saytının məlumatına görə, “Neftçi” ilə qarşılaşmada 2 sarı, 1 qırmızı vərəqə alan “Zirə” çempionatın ən intizamsız komandası adını daşıyır.

Qəsəbə klubunun hesabında hamıdan çox – 45 cərimə xalı var. 17 turda 42 sarı və 1 qırmızı vərəqə alan bakılılar bu göstəricidə “zirvə”nin vahid sahibidi.

“Sumqayıt” 39, “Qəbələ” 41 xala malikdi. Düzdü, ən çox qırmızı vərəqə alan komandalar “Neftçi” və “Qarabağ”dı. Amma “sarı”lardan doymayan zirəlilər ümumi cərimə xalında ən intizamsızdı.

Əks qütbdə isə “Keşlə” yer alıb. 2 qırmızı vərəqəsi də olan bakılılar hamıdan az cərimə xalına malikdi. Yalnız iki komanda – “Səbail”lə “Sumqayıt” azlıqda qalmayıb. Amma qırmızı vərəqə almayan bu klubların cərimə xalları “Keşlə”dən çoxdu.

Qeyd edək ki, cari mövsümdə ümumilikdə 260 sarı və 12 qırmızı vərəqə göstərilib.

№	klublar	sarı	qırmızı	xal
1	Keşlə	24	2	30
2	Səbail	32	0	32
3	Qarabağ	25	3	34
4	Kəpəz	34	1	37
5	Neftçi	29	3	38
6	Sumqayıt	39	0	39
7	Qəbələ	35	2	41
8	Zirə	42	1	45
	Cəmi	260	12	296