Klubların lisenziyalaşmanın tələblərinə uyğun gəlməməyi üzündən növbəti mövsümdə 8 komanda ilə qalmaq təhlükəsi olan Topaz Premyer Liqası antirekorda şərik ola bilər. Apasport.az saytının məlumatına görə, yüksək liqasında 8 komandanın çıxış etməsi Avropa üçün ən aşağı göstəricidi.

UEFA-ya yeni üzv qəbul olunan Kosovonu da nəzərə alsaq, quruma daxil olan 55 ölkədən 54-nün öz çempionatı var. Yalnız Lixtenşteyn müstəqil çempionat keçirməyib, klublarını İsveçrə liqalarına göndərir.

Digər 54 liqanın cari mövsümünə - yaz-payız sistemi ilə keçirilən yarışlarda 2016, payız-yaz sistemli çempionatlarında isə 2015/16 mövsümünə nəzər salsaq, 4 ölkədə 8  komanda çıxış edib. Bunlar Andorra, Litva, Latviya və Ermənistandı. Azərbaycanda da Premyer Liqa iştirakçılarının sayı 8-ə ensə, çempionatımız bu ölkələrə çatacaq.

Maraqlıdı ki, qitənin digər kiçik ölkələri – hətta Cəbəllütariqlə San-Marinonun da yüksək liqasında daha çox komanda var. Digər qitələrə göz gəzdirsək, cəmi 8 komandanın elitada olduğu başqa ölkələr də var. Belələri arasında Yeni Zelandiya və İraqı da qeyd etmək olar.

Avropa ölkələrinin yüksək liqalarının cari mövsümündəki komanda sayı