[b]AFFA-nın ilk prezidenti vəfat etdi[/b]

16.06.2017 - 23:15

AFFA-nın ilk prezidenti Fuad Musayev rəhmətə gedib. Apasport.az saytının məlumatına görə, mərhum bu gün günorta saatlarında dünyasını dəyişib.

Məlumatı AFFA-nın İnformasiya və İctimaiyyətlə Əlaqələr departamentinin rəisi Mikayıl Nərimanoğlu da təsdiqləyib. O, əməkdaşımızla söhbətində bu barədə Musayevin ailəsi tərəfindən onlara məlumat verildiyini qeyd edib.

Mərhumun böyrək çatışmazlığı ilə əlaqədar tez-tez Moskvaya səfər etdiyi və orda vəfat etdiyi bildirilib.

Qeyd edək ki, Musayev Azərbaycan Respublikası müstəqillik əldə edəndən sonra Azərbaycan Futbol Federasiyaları Assosiasiyasının ilk prezidenti seçilib və uzun müddət AFFA-ya rəhbərlik edib. O, bu ilin yanvarında 79 yaşını qeyd etmişdi.

Allah rəhmət eləsin!