İşğal altında olan Azərbaycan ərazilərində Ermənistan Futbol Federasiyasının (EFF) təşkilatçılığı ilə məşqçi kursu keçirilir. Apasport.az saytının məlumatına görə, bununla bağlı AFFA qarşı tərəfə etirazını bildirib və UEFA-ya məlumat verib.

UEFA-nın Konqresində iştirak etmək üçün Qazaxıstanın Astana şəhərində səfərdə olan AFFA-nın baş katibi Elxan Məmmədov UEFA nümayəndələrinə bu barədə məlumat verməklə EFF-nin Azərbaycan ərazisində məşqçi kursları keçirməsindən narazılığını ifadə edib. Məmmədov həmçinin EFF-nin baş katibi ilə də görüşərək AFFA-nın narazılığını bildirib. EFF rəsmisi keçirilən məşqçi kursunun beynəlxalq status daşımadığını deyib və AFFA-nın narazılığının nəzərə alınacağını qeyd edib.

Qeyd edək ki, AFFA 2008-ci ildə UEFA-nın B və A məşqçi kursları konvensiyasına, 2 il sonra isə Pro konvensiyasına qoşulub və konvensiyanın tələblərinə uyğun olaraq Azərbaycan ərazisində C, B, A və Pro kurslarını təşkil etmək səlahiyyəti yalnız ölkəmizin ali futbol qurumuna məxsusdur.
 

• “Fənərbaxça”da ayrılıq - RƏSMİ
• Talişka BƏƏ klubunda - RƏSMİ
• “Qarabağ”ın sabiq futbolçusu Şotlandiyada ayın yaxşısı seçildi
• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi