Argentina millisinin hücumçusu Serxio Aquero növbəti dəfə diqqət mərkəzinə düşüb. Apasport.az saytının xarici mətbuata istinadən məlumatına görə, ulduz futbolçu Nigeriya ilə yoldaşlıq görüşündə xəstəxanalıq olub.

Krasnodarda keçirilən qarşılaşmanın 36-cı dəqiqəsində komandasının ikinci topunun müəllifi olan forvard bununla millinin heyətində qollarının sayını 36-ya çatdırıb və Ernan Kresponu keçərək, Argentinanın ən məhsuldar 3-cü oyunçusu olub.

Lionel Messi və Qabriel Batistutaya bir addım yaxınlaşan 29 yaşlı futbolçu bunun sevincini yaşamağa macal tapmayıb. Çünki görüşün fasiləsində gözlənilmədən huşunu itirən “Mançester Siti”nin üzvü dərhal xəstəxanaya aparılıb. Onun durumunun normal olduğu bildirilib.

Qeyd edək ki, Argentina – Nigeriya oyunu ikincilərin qələbəsi (4:2) ilə nəticələnib.

• De Xea “Mançester Siti”yə yenə söz atdı: “Deməli, yenidən danışırıq...”
• 114 ittiham üzrə günahkar bilindi - “Mançester Siti” satıla bilər
• “Məlumatların silinməsi iddiası yalandır” - TFF-dən açıqlama
• Klubsuz qalan İkardi: “Mənim artıq hər şeyim var”
• İsmail Kartaldan çempionluq mesajı – Asensio qayıdır