Avropa Liqasının pley-off mərhələsinin ilk oyunları çərçivəsində bu gün keçiriləcək “Yanq Boyz” (İsveçrə) – “Qarabağ” oyunu daha iki yubileylə əlamətdar olacaq. Apasport.az saytının məlumatına görə, Berndəki qarşılaşma Azərbaycan klublarının bu turnirdə 150-ci oyunu olacaq.
1994-cü ildə UEFA kubokunda debüt edən təmsilçilərimiz, 2009-cu ildən Avropa Liqası adını daşıyan bu yarışda indiyədək 148 qarşılaşmaya çıxıb.
Bu görüşlərdə 39 qələbə qazanıb, 41 heç-heçə edən komandalarımız 68 dəfə uduzub. 134 dəfə rəqib qapılarına yol tapan futbolçularımız 231 qola üzülüb.
Bu gün Bakıda keçiriləcək “Qəbələ” – “Panatinaikos” (Yunanıstan) matçı tez başladığından 149-cu, Berndəki oyun isə 150-ci olacaq.
Cari mövsümdə 20-ci avrokubok qarşılaşmamız da Berndə olacaq. Bu günə qədər 2015/16 mövsümünün 18 oyunundan yarısında təmsilçilərimiz heç-heçəylə kifayətlənib. 5 qələbə və 4 məğlubiyyəti olan klublarımız 16 qol vurub, 14-nü buraxıb.
Qeyd edək ki, Berndəki matç Qurban Qurbanovun “Qarabağ”ın baş məşqçisi postunda 300-cü oyunu olacaq.
Oxşar xəbərlər
Ana səhifə
Bütün xəbərlər