21 yaşadək futbolçulardan ibarət komandalar arasında Avropa çempionatının seçmə mərhələsinin bu gün keçiriləcək oyunları üçün əmsalla açıqlanıb. Apasport.az saytının məlumatına görə, xarici bukbeker kontorları “Dalğa Arena”da baş tutacaq Azərbaycan – Almaniya görüşünə də pul qoyuluşu qəbul edəcək.

Matçda qonaqlar favorit kimi göstərilib. Belə ki, yığmamızın qələbəsini 41,00 əmsalla qiymətləndirildiyi halda, almanların 3 xal qazanmasına cəmi 1,04 əmsal verilib. Görüşdə heç-heçə proqnozlaşdıranlar isə əmanətlərini 15,00 dəfə artıra bilərlər.