Futzal üzrə Azərbaycan millisinin Avropa çempionatının pley-off mərhələsində keçirəcəyi oyunların yeri dəqiqləşib. Apasport.az saytının məlumatına görə, 2016-cı ildə keçiriləcək final mərhələsinə vəsiqə uğrunda Slovakiya ilə mübarizə aparacaq Faustino Peresin yetirmələri ilk matça Bakıda çıxacaq.

Sentyabrın 15-də baş tutacaq qarşılaşma Bakı İdman Sarayında keçiriləcək. Artıq Azərbaycan – Slovakiya oyununun başlama vaxtı də dəqiqləşib. Pley-offun ilk görüşü saat 21:00-da başlayacaq.

Bir həftə sonra baş tutacaq cavab oyunu isə paytaxt Bratislavada deyil, Trnavada keçiriləcək. Həlledici matç Şəhər İdman Zalında baş tutacaq.

Qeyd edək ki, AVRO-2016-nın final mərhələsi gələn il fevralın 2-13-də Serbiyada keçiriləcək.

• “Qalatasaray”dan Sinqo açıqlaması – “Tamamilə yalandır”
• Montelladan etiraf – “Məni göndərə bilərdilər”
• A millidən U-21-ə göndərildi – Türkiyənin 27 illik həsrəti
• Obameyanqa göz dəydi – Əməliyyat olunacaq
• İtalianodan Türkiyə etirafı: “Özümü 90-cı illərin İtaliyasında hiss edirəm”