Azərbaycan – Xorvatiya oyununu idarə edəcək hakimlərin adlarına aydınlıq gəlib. Apasport.az-ın UEFA-nın rəsmi saytına istinadən məlumatına görə, qitə futbol qurumu Avro-2016-nın seçmə mərhələsi çərçivəsində sentyabrın 3-də keçiriləcək qarşılaşmaya fransalı briqadanı göndərmək qərarına gəlib.

Oyunun baş hakimi Rudi Buket olacaq. Ona həmyerliləri Gillom Debart və Kiril Qrinqor kömək edəcəklər. Görüşün 4-cü hakimi funksiyasını Filipp Jann yerinə yetirəcək. Əlavə köməkçi hakimlər isə Fredi Futrel və Amauri Delero olacaq.

UEFA nümayəndəsi kimi Bakıya belçikalı Jan-Fransios Kruk gələcək. Hakimlərin idarəçiliyinə isə hakim-inspektor Vitor Melo Pereyra (Portuqaliya) qiymət verəcək.

Qeyd edək ki, Azərbaycan - Xorvatiya matçı "Bakcell Arena"da keçiriləcək.

• Sabiq “Real”lı İtaliya klubunda - RƏSMİ
• “Araz-Naxçıvan” yoxlama matçında "Neftçi"ylə qarşılaşacaq
• “Qalatasaray”dan Sinqo açıqlaması – “Tamamilə yalandır”
• Montelladan etiraf – “Məni göndərə bilərdilər”
• A millidən U-21-ə göndərildi – Türkiyənin 27 illik həsrəti