[b]Azərbaycan millisi Rusiya ilə qarşılaşacaq[/b]

05.02.2015 - 09:28

17 yaşadək futbolçulardan ibarət Rusiya millisi Azərbaycana gələcək. Apasport.az saytının məlumatına görə, Avropa çempionatının elit-raunduna hazırlaşan şimallılar fevralda ölkəmizdə təlim-məşq toplanışı keçirəcək.

Mixail Qalaktionovun baş məşqçisi olduğu komanda Valentin Qranatkinin xatirəsinə həsr olunan turnir və Belarusda qatıldığı yarışın ardından hazırlığın 3-cü hissəsini Azərbaycanda keçirmək qərarına gəlib.

Toplanış çərçivəsində Azərbaycan və Rusiya milliləri arasında 2 yoxlama oyunu da keçiriləcək. Bu qarşılaşmaların tarixi hələ dəqiqləşməyib.