2016-cı ilin yanvarında Rusiyanın Sankt-Peterburq şəhərində keçiriləcək Valentin Qranatkinin xatirəsinə həsr olunan ənənəvi beynəlxalq turnirinin püşkü atılıb. Apasport.az saytının məlumatına görə, yanvarın 2-13-də baş tutacaq turnirdə iştirak edəcək 14 komanda 3 qrupa bölünüb. İki qrupda 5, birində 4 komanda mübarizə aparacaq.
1998-ci il təvəllüdlü futbolçulardan ibarət yığmaların mübarizə aparacağı turnirdə Azərbaycan da qüvvəsini sınayacaq. Millimiz 4 komandanın yer aldığı C qrupunda çıxış edəcək. Millimizin rəqibləri Sloveniya, Latviya və Bolqarıstan olacaq.
A qrupu: Sankt-Peterburq, Belarus, Slovakiya, Yaponiya, Litva
B qrupu: Finlandiya, Qazaxıstan, Estoniya, Moldova, Rusiya
C qrupu: Sloveniya, AZƏRBAYCAN, Latviya, Bolqarıstan
Qeyd edək ki, yarışın oyunları Peterburq İdman Konsert Kompleksi və “Zenit” İdman Oyunları Sarayında baş tutacaq.
Oxşar xəbərlər
Ana səhifə
Bütün xəbərlər