Azərbaycan futbolunda belə şey olmamışdı

19.03.2014 - 17:49

Azərbaycan kubokunun 1/4 final mərhələsinin “Bakı” – “Rəvan” oyunu ölkə futbolu tarixinə düşüb. Apasport.az saytının məlumatına görə, görüş ən çox penaltinin qolla nəticələndiyi matç kimi yadda qalıb.

Belə ki, indiyədək Azərbaycan kuboku tarixində penalti seriyalarının heç birində 5-dən artıq qola ehtiyac olmamışdı. Bu dəfə isə “Rəvan” 9:8 hesabı ilə qalib gəldi. Bununla, tarixində ilk dəfə yarımfinala adlayan bakılılar ölkə futbolunda 9 penalti ilə qalib gələn ilk komanda oldu.

Kubok tarixində 23-cü dəfə penaltilər seriyasına ehtiyac yarandı ki, indiyədək maksimum 5 dəqiq zərbə qələbə üçün yetərli olurdu. 9 qolla qalib gələn “Rəvan” rekordla yanaşı, 2 il əvvəl elə penaltilərlə uduzmasının da əvəzini çıxdı.

Qeyd edək ki, ümumilikdə Azərbaycanda ən uzun penalti seriyası Superkuboka təsadüf edib. 1995-ci ildə baş tutan “Neftçi” – “Turan” oyununda indikindən az – 15 qol olsa da, bakılıların 8:7 hesabı ilə qalib gəldiyi seriyada hər komanda 13 zərbə vurmuşdu.

1992

“İnşaatçı” (Bakı) – “Xəzər” (Sumqayıt) - 1:1, pen. 5:4

1993

“Kür” (Mingəçevir) – “Xəzri” (Buzovna) - 3:0, 0:3, pen. 4:3
“Neftçi” (Bakı) – “Xəzər” (Sumqayıt) - 0:0, 0:0, pen. 4:3

1993/94

“Turan” (Tovuz) – “OİK Göyəzən” (Qazax) - 0,:0, 0:0, pen. 1:3

1998/99

“Şəmkir” – “Neftçi” (Bakı) - 0:0, pen. 3:5

1999/2000

“Turan” (Tovuz) – “Qarabağ” (Ağdam) - 1:0, 0:1, pen. 4:5

2003/04

“Bakılı” – “Neftçi” (Bakı) - 1:0, 0:1 pen. 3:5

2004/05

“Karvan” (Yevlax) – “Xəzər Lənkəran” - 1:1, 1:1, pen. 4:5
“Neftçi” (Bakı) – “İnter” (Bakı) - 0:0, 0:0, pen. 3:4

2007/08

“Bakı” – “Qəbələ” - 1:1, 1:1, pen. 3:4

2009/10

“Simurq” (Zaqatala) – “Olimpik-Şüvəlan” (Bakı) - 0:0, 0:0, pen. 2:4

2010/11

“Bakı” – “Muğan” (Salyan) - 1:1, pen. 5:3
“Karvan” (Yevlax) – “MKT-Araz” İmişli) - 1:1, pen. 3:4
“Qarabağ” (Ağdam) – “Turan” (Tovuz) - 0:0, pen. 3:4
“Simurq” (Zaqatala) – “Abşeron” (Bakı) - 1:1, pen. 1:4
“Xəzər Lənkəran” – “İnter” (Bakı) - 1:1, pen. 4:2

2011/12

“Bakı” – “Rəvan” (Bakı) - 0:0, pen. 3:2
“Bakı” – “Qarabağ” (Ağdam) - 0:1, 1:0, pen.5:4

2012/13

MOİK – “Bakılı” – 0:0, pen. 3:1

“Turan” – “Xəzər Lənkəran” – 1:1, pen.3:5

“Neftçi” – “Xəzər Lənkəran” – 0:0, pen. 5:3

2013/14

“Araz-Naxçıvan” – “Simurq” – 2:2, pen.4:2

“Bakı” – “Rəvan” – 0:1, 1:0, pen. 8:9