Millimizin sabiq futbolçusu Branimir Subaşiç cəzalı duruma düşüb. Apasport.az saytının məlumatına görə, Türkiyənin I dəstəsinin son turunda 70 dəqiqə meydanda olan serbiyalı hücumçu vərəqə limitini doldurub.

Subaşiç uzun müddətdir ki, sarı vərəqə almadığından, cəza astanasında idi. Ancaq ötən turun “Boluspor”la matçının ikinci hissəsi başlar-başlamaz baş hakim Hakan Ceylanın sarı vərəqə göstərməsi onun növbəti matçı buraxmasına səbəb olub. Bu isə o deməkdir ki, Türkiyədə özünü göstərməyi bacaran yeganə təmsilçimiz martın 29-da meydana çıxa bilməyəcək. Həmin gün “Orduspor” səfərdə Ufuk Budakın çıxış etdiyi “Qaziantep BB”nin qonağı olacaq.

Qeyd edək ki, bu, Branimir Subaşiçin Türkiyədə aldığı 4-cü sarı vərəqədir.

• “Fənərbaxça”da ayrılıq - RƏSMİ
• Talişka BƏƏ klubunda - RƏSMİ
• “Qarabağ”ın sabiq futbolçusu Şotlandiyada ayın yaxşısı seçildi
• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi