Noyabrın 9-da 21 yaşadək futbolçulardan ibarət Azərbaycan yığması AVRO-2019-un seçmə mərhələsində növbəti oyununu keçirəcək. Apasport.az saytının məlumatına görə, Samir Ələkbərovun baş məşqçisi olduğu yığmamız Almaniya ilə qarşılaşacaq.

“Dalğa Arena”dakı matç iki ölkənin U-21 yığmaları arasında 6-cı duel olacaq. İndiyədək millimiz Bundestimlə 5 dəfə qarşılaşıb. Bütün qarşılaşmalar da rəqibin xeyrinə başa çatıb.

Yığmamızın tarixinə baxsaq, Almaniya ən çox uduzduğumuz iki komandadan biridi. Bundestim kimi Avstriya da millimizə 5 dəfə qalib gəlib. Amma sonuncular 5 deyil, 6 oyunda bu qədər uğur əldə edib.

U-21 üçün ən amansız rəqib olan Bundestim 5 görüşdə 16 qol vurubsa, yığmamız yalnız 2 dəfə fərqlənib. Son iki qarşılaşmada uduzsaq da, qol da vurmuşuq.

Top fərqində Avstriya millimiz üçün daha qeyri-münasibdi. Bu rəqiblə görüşlərdə 1 qol vurub, 18-ni buraxmışıq. Həm fərq, həm buraxılan toplarda almaniyalılar geri qalsa da, onlar 6-cı matçda millimiz üçün antirekord müəyyənləşdirə bilər. Söhbət ən çox qol buraxdığımız rəqib ünvanından gedir. Bu göstəricidə rekorda şərik olmaq üçün Bundestimə 2, ən böyük fərqi təkrarlamağa 3 top lazımdı.

Azərbaycan – Almaniya: U-21-lərin bütün seçmə oyunları

08.10.2004. Azərbaycan – Almaniya – 0:2

02.09.2005. Almaniya – Azərbaycan – 2:0

08.09.2015. Azərbaycan – Almaniya – 0:3

13.11.2015. Almaniya – Azərbaycan – 3:1

06.10.2017. Almaniya – Azərbaycan – 1:6

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”