Cənubi Amerika Futbol Konfederasiyasının (KONMEBOL) sabiq prezidenti, FİFA-nın vitse-prezidenti uruqvaylı Euxenio Fiqeredo rüşvət aldığını və çirkli pulların yuyulması ilə məşğul olduğunu etiraf edib. APA-nın TASS agentliyinə istinadən verdiyi məlumata görə, bu barədə prokuror Xuan Qomes bildirib.

Dələduzluq və çirkli pulların yuyulmasında təqsirli bilinən E.Fiqeredo dekabrın 24-də İsveçrədən Uruqvaya ekstradisiya olunub. Onu vətənində 2 ildən 15 ilədək həbs cəzası gözləyir.

“1993-ci ildən etibarən, KONMEBOL-un icraiyyə komitəsinə üzv olduğu vaxtdan E.Fiqeredo böyük məbləğdə pul alıb. Daha sonra isə həmin pullar müxtəlif korrupsiya üsulları ilə yuyulub”, deyə X.Qomes qeyd edib.

83 yaşlı E.Fiqeredo mayın 27-də İsveçrənin Sürix şəhərində korrupsiyada şübhəli bilinərək saxlanılıb. Euxenio Fiqeredo 1997-2006-cı illərdə Uruqvay Futbol Assosiasiyasının, 2013-2014-cü illərdə KONMEBOL-un prezidenti, 2014-cü ildən FİFA-nın vitse-prezident olub.

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”