Azərbaycan millisinin sabiq baş məşqçisi Berti Foqts keçmiş yetirməsi Rüfət Dadaşovun III Bundesliqa klubu “Proyssen”lə müqavilə imzalamasına münasibət bildirib. Apasport.az saytının məlumatına görə, “Bild” nəşrinə danışan Foqts bu keçidi hər iki tərəf üçün böyük şans hesab edir.
2008-2014-cü illərdə yığmamızın “sükanı arxası”nda olmuş və həmin dövrdə Dadaşova 16 matçda şans vermiş 72 yaşlı mütəxəssis hücumçunun daha yüksək liqalarda oynaya biləcəyini düşünür: “Mən Rüfət Dadaşovun III Bundesliqaya, “Proyssen”ə transfer olunacağını gözləmirdim. Rüfət yaxşı oğlandı və daha yüksək liqalarda asanlıqla oynaya biləcək səviyyədədi. “Proyssen” onu almaqla böyük “ov yaxaladı”.
Hazırda zədədən əziyyət çəkən 26 yaşlı forvard özü isə “Dinamo”nu bu şəkildə tərk etmək istəmir. O, mövsümün sonuna qədər sağalacağına inanır: “Berlin klubundakı sonluğumun belə olacağını təsəvvür etmirdim. Amma iyunun 30-da “Proyssen”ə qoşulana qədər meydana qayıda bilərəm”.
Qeyd edək ki, Rüfət Dadaşov “Proyssen”lə 2 illik müqavilə imzalayıb.
Oxşar xəbərlər
Ana səhifə
Bütün xəbərlər