Bu gün AFFA-nın İntizam Komitəsinin iclası keçirilib. Apasport.az AFFA-nın saytına istinadən xəbər verir ki, yığıncaqda Qızlar yüksək Liqasının oyunlarında baş verənlər də müzakirə olunub.

“Baku City” – “İnter” matçının 27-ci dəqiqəsində qonaqların futbolçusu Roza Quliyeva hakimi təhqir etdiyinə görə qırmızı vərəqə alaraq meydandan kənarlaşdırıldığı üçün 2 oyun cəzalanıb.

Görüşün ikinci hissəsində “İnter” klubu meydana çıxmadığına görə 0:5 hesablı texniki məğlubiyyət alıb. “İnter”in baş məşqçisi Anar Vəliyevə xəbardarlıq olunub. Bu hal yenidən baş verəcəyi təqdirdə, daha ağır sanksiya tətbiq olunacaq.