Çexiya 1-ci liqasında VI turun oyunları davam edir. Apasport.az saytının məlumatına görə, milli komandamızın qapıçısı Kamran Ağayevin çıxış etdiyi “Mlada Boleslav” “Brno” ilə qarşılaşıb.

Görüş boleslavlıların 3:0 hesablı qələbəsi ilə başa çatıb. Ötən tur kobud səhvlərdən qollar buraxaraq komandasının məğlubiyyətində əsas rol oynayan Ağayev bu dəfə ehtiyata göndərilib.

Qeyd edək ki, 6 oyundan aktivində 4 xal olan “Mlada Boleslav” turnir cədvəlinin 14-cü pilləsində qərarlaşıb.