Avqustun 6-da milli komandaların FİFA reytinqi açıqlanacaq. Apasport.az saytının məlumatına görə, dünyanın 209 yığmasının yer alacağı siyahının təxmini cədvəli müəyyənləşib.

Bu siyahısında müəyyən dəyişikliklər baş verib. Buna səbəb iyulun 9-da açıqlanan cədvəldən sonrakı müddətdə millilərin iştirakı ilə az sayda oyunun yeni cədvəldə əksini tapmasıdı.

Hesabat dövründə meydana çıxmayan Azərbaycan millisi irəliləyişə nail olub. Xal hesabı 302-də qalan Robert Prosineçkinin yetirmələri mövqeyini 2 pillə yaxşılaşdırıb. Hazırda komandamız dünyanın 106-cısıdı.

Millimiz Salvador, Benin, Qvatemala, Kuba yığmalarını arxada qoyub. Syerra-Leone və Malavi isə daha böyük sıçrayışla millimizi də keçib.

Millimiz və “qonşuları”
101 (103). Kanada - 323

102 (96). Niger - 312

103 (105). Makedoniya - 311

104 (111). Syerra-Leone - 304

105 (107). Antiqua və Barbuda – 303

106 (108). AZƏRBAYCAN – 302

107 (110). Litva - 301

108 (105). Qvatemala – 299

108 (112). Zimbabve - 299

110 (88). Salvador – 289

111 (114). Namibiya - 284

Təxmini siyahıya nəzər salsaq, “onluq”da da dəyişikliklər var. Almaniya 2-ci pilləni də əldən verərək, Belçikadan geri düşüb. Hollandiyanın “onluğ”u tərk etməsi ilə Çili bura daxil olub. Eyni zamanda 6 komanda bundan yararlanaraq, hərəyə 1 pillə irəliləyib.

İlk “onluq”

1 (1). Argentina – 1425

2 (3). Belçika – 1244
3 (2). Almaniya – 1226
4 (4). Kolumbiya – 1218
5 (6). Braziliya – 1186

6 (7). Portuqaliya – 1177

7 (8). Rumıniya - 1166

8 (9). İngiltərə - 1157

9 (10). Uels - 1155        

10 (11). Çili – 1124

Millimizin AVRO-2016-nın seçmə mərhələsindəki 5 rəqibindən üçünün mövqeyi təxmini siyahıda dəyişib. Xorvatiya cədvəldə 1, İtaliya 2 pillə irəliləyibsə, Malta 1 addım geri düşüb.

AVRO-2016-nın seçmə mərhələsinin H qrupu

13 (14). Xorvatiya – 1023
15 (17). İtaliya – 1001
67 (67). Norveç - 495
68 (68). Bolqarıstan - 489
159 (158). Malta – 157

Qeyd edək ki, qonşu Türkiyə yığması siyahıda hesabında olan 627 xalla 3 pillə irəliləyib. “Ay-ulduzlular” burada 45-ci yerə yüksəlib.

• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ