Futzal üzrə milli komandaların reytinq siyahısı açıqlanıb. Apasport.az saytının məlumatına görə, cədvəldə dünyanın 162 yığması yer alıb.

2018-ci ilin əvvəlində keçirilən yoldaşlıq oyunları son siyahı ilə müqayisədə cüzi dəyişikliklərə səbəb olub. Amma bütün bunlar ilk “10-luq”dan yan keçib.

Dünyanın 10-cu komandası olan Azərbaycan yığmasının da mövqeyi dəyişməyib. Lakin Joze Alesionun yetirmələrinin xal hesabı artıb.

Bakıda qonaq olan İran yığması ilə 2 yoxlama matçı keçirən komandamız qarşılaşmaların birində heç-heçə edib (3:3), digərində uduzsa da (1:4) aktivini zənginləşdirib. İki oyunda 2 xal əldə edən millimizin hesabında artıq 1454 xal var. Bu matçlaradək yığmamızın hesabında 1452 xal var idi.

Siyahıya isə Braziliya başçılıq edir – 1931 xal. Cənubi amerikalıları AVRO-2018-in final mərhələsində Azərbaycan yığmasının rəqibi olan İspaniya izləyir – 1878 xal. 1740 xala malik Rusiya ilk “üçlüy”ü qapayır.

Sloveniyadakı qitə çempionatında İspaniya və Azərbaycanla birgə D qrupunda çıxış edəcək Fransa isə ikinci “onluq”dadı. Hesabında 1256 xal olan rəqibimiz hazırda 20-ci pillədədi.

İlk “onluq”

1. Braziliya - 1931

2. İspaniya – 1878

3. Rusiya - 1740

4. Argentina - 1683

5. İran - 1625

6. İtaliya - 1608

7. Portuqaliya - 1600

8. Ukrayna - 1500

9. Qazaxıstan - 1488

10. Azərbaycan – 1454

• Dzeko “1000”i geridə qoyub
• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"