Kolumbiyada futzal üzrə dünya çempionatına start verilib. Apasport.az saytı xəbər verir ki, tarixində ilk dəfə mundiala vəsiqə qazanan Azərbaycan millisi dünən gecə tarixi matçına çıxıb.
İspaniya, İran və Mərakeşlə birgə F qrupunda yer alan komandamız start matçında Afrika çempionu ilə qarşılaşıb. Baş məşqçi Miltinyonun çalışdırdığı komandamız ilk oyununda Mərakeşi 5:0 hesabı ilə darmadağın edərək, tarixi uğura imza atıb. Oliveira Villiams De Naskimentonun het-trik etdiyi oyunda hərəyə 1 dəfə Everton Cardoso və Thiago Bolinha fərqlənib
Bu nəticə millimizin qrupdan çıxmaq şansını xeyli yaxşılaşdırıb. Çünki ilk 2 pillənin sahibi ilə yanaşı, 4 ən yaxşı 3-cü də növbəti mərhələdə oynayacaq.
Dünya çempionatı
Qrup mərhələsi, I tur
F qrupu
13 sentyabr
Mərakeş – Azərbaycan - 0:5
Hakimlər: Jose Katemo (Anqola), Eduardo Fernandes (Portuqaliya), Kamil Çetin (Türkiyə).