İngiltərə milli komandasının DÇ-2018-ə hazırlıq məqsədi ilə keçirəcəyi yoxlama oyunlarındakı rəqiblərindən ikisi bəlli olub. Apasport.az saytının məlumatına görə, futbolun yaradıcıları mundaildan kənar qalan nəhənglərlə qarşılaşmağı məqsədəuyğun sayıb.

Böyük britaniyalılar 2018-ci ilin martında İtaliya və Hollandiyanı sınağa çəkəcəklər. Qaret Sautqeytin yetirmələri ayın 23-də Amsterdamda “narıncılar”ın qonağı olacaqlar. İngilislər martın 27-də isə “Uembli”də İtaliyanı qəbul edəcəklər.

Qeyd edək ki, adlı-sanlı rəqiblərlə qarşılaşmağa üstünlük verən İngiltərə millisi 2017-ci ildəki son matçını bu gün Braziliyaya qarşı keçirəcək. 

• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”
• 114 ittiham üzrə günahkar bilindi - “Mançester Siti” satıla bilər
• “Məlumatların silinməsi iddiası yalandır” - TFF-dən açıqlama
• Klubsuz qalan İkardi: “Mənim artıq hər şeyim var”