“Bavariya”nın yarımmüdafiəçisi Frank Riberi klubun tarixində yeni rekord müəyyənləşdirib. Apasport.az saytının xarici mətbuata istinadən məlumatına görə, ulduz futbolçu Münhen təmsilçisinin heyətində ən çox oyun keçirən əcnəbi olub.

Fransa millisinin sabiq üzvü bunu Bundesliqanın XVI turunda “Köln”lə (1:0) keçirilən görüşdə reallaşdırıb. Adıçəkilən qarşılaşmada “Bavariya”nın heyətində 366-cı oyununu keçirən 34 yaşlı Riberi komandanın sabiq üzvü Hasan Salihamidziçə məxsus 355 matçlıq rekordu yeniləyib. Siyahıda üçüncü yeri Klaudio Pizarro (327 oyun) tutur.

“Köln”lə görüşdə “Bavariya”ya qələbə gətirən yeganə qola imza atan Robert Levandovski isə Bundesliqadakı qollarının sayını 166-ya çatdırıb. Bununla o, Almaniya çempionatının ən məhsuldar oyunçuları sıralamasında 10-cu pilləyə yüksəlib.

• "Qalatasaray" Çalhanoğlu üçün hərəkətə keçdi
• Klopp ilk ev oyununda uduzdu – Məsuliyyəti üzərinə götürdü
• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI