[b]Sadiqov, Reynaldo, Sxadadze və başqaları [/b]

04.07.2014 - 12:25

“İnter”in futbolçusu Baçana Sxadadze rekord vurub. Apasport.az saytının məlumatına görə, gürcüstanlı hücumçu Azərbaycan klublarının heyətində avrokuboklarda ən çox qol vuran legioner adına şərik olub.

Avropa Liqasının I təsnifat mərhələsinin “Tiraspol”la oyununda hesabı açan Sxadadze “İnter”in heyətində 5-ci dəfə əcnəbiləri məyus edib. Bununla, hücumçu “Qarabağ”ın braziliyalı legioneri Reynaldo Silvaya çatıb. Hər iki əcnəbi avrokuboklarda Azərbaycan təmsilçisi üçün 5 dəfə fərqlənib.

Ümumilikdə isə Sxadadze qitə kuboklarındakı bombardirlərimiz siyahısında 2-ci yerə şərikdir. İki əcnəbidən başqa daha 2 oyunçu bu qədər qol vurub. Bunlar Əfran İsmayılov və Rəşad Sadıqovdur. Zirvədə isə Rəşad Sadiqovdur. Onun hesabında 7 qol var.

Avrokuboklarda 10 ən məhsuldar futbolçumuz

1	Rəşad Sadiqov	7
2-5	Baçana Sxadadze	5
2-5	Əfran İsmayılov	5
2-5	Reynaldo Silva	5
2-5	Rəşad Sadıqov	5
6-10	Badri Kvaratsxeliya	4
6-10	Branimir Subaşiç	4
6-10	Feliks Felipe Almeyda	4
6-10	Julius Vobay	4
6-10	Vüqar Nadirov	4