Bu gün dünya şöhrətli azərbaycanlı hakim Tofiq Bəhramovun anadan olmasının 90 illik yubileyinə həsr olunan yoldaşlıq oyunu keçirilib. Apasport.az saytının məlumatına görə, “Neftçi”nin veteranları ilə hakimlərdən təşkil olunmuş komanda üz-üzə gəlib.

Qarşılaşma Olimpiya Yığmalarının Təlim-Məşq Bazasında baş tutub. Görüşü Hümmət Məmmədov idarə edib.

Məhsuldar alınan qarşılaşmada tamaşaçılar 15 qol görüb. Belə ki, veteran futbolçular ədalət təmsilçilərini böyük hesabla məğlub edib – 10:5.

Qeyd edək ki, görüşü izləyənlər arasında yubiley tədbirlərində iştirak üçün dəvət olunan qonaqlar - sabiq FIFA referiləri Miroslav Stupar (Ukrayna), Nikolay Levnikov (Rusiya) və Vadim Juk (Belarus) da olub.

• Premyer Liqada ayın ən yaxşısı: Sergey Yakiroviç
• İngiltərə millisinin üzvü daha 5 il “Nyukasl”da
• İsmail Kartal məşqə çıxmadı - YENİLƏNİB
• “Çelsi”də idarəçilik dəyişir - Todd Bouli payını satır
• Vlahoviçin cəzası bəlli oldu