“Qalatarasay”ın baş məşqçisi İqor Tudor istefaya göndərilib. Apasport.az saytı Türkiyə mətbuatına istinadən xəbər verir ki, klub rəhbərliyi “Yeni Malatyaspor”a 1:2 hesablı məğlubiyyətdən sonra xorvatiyalı çalışdırıcı ilə yolları ayırmağı məqsədəuyğun sayıb.

Dünən İstanbul təmsilçisinin prezidenti Dursun Özbəklə Tudor arasında görüş keçirilib. Uzun çəkən danışıqların sonunda 39 yaşlı çalışdırıcının göndərilməsinə qərar verilib.

“Qalatasaray” müqaviləyə birtərəfli xitam verdiyindən, Tudora 400 min avro təzminat ödəyəcək.

Qərar bu gün rəsmən açıqlanacaq. "Qalatasaray"ın yeni baş məşqçisi adına namizədlər Fatih Terim, Marselo Byelsa, Loran Blan və Tomas Tuheldi. 

Qeyd edək ki, Tudor “Qalatasaray”ın “sükanı arxası”na ötən mövsümün gedişində “Karabükspor”dan keçmişdi.  

• Klopp ilk ev oyununda uduzdu – Məsuliyyəti üzərinə götürdü
• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI
• Yığmamızın oyunu norveçlilərə həvalə olunub