Başqa klublarda icarə əsasında çıxış edən futbolçulardan daha biri “Neftçi”yə qayıdıb. Bu barədə apasport.az saytına komandanın baş məşqçisi Böyükağa Hacıyev məlumat verib. O bildirib ki, ötən mövsümü Birləşmiş Ərəb Əmirliklərinin “Əl-Şaab” klubunda keçirən Julius Vobay növbəti mövsüm “ağ-qaralar”ın heyətində olacaq.

Syerra-leoneli sağ cinah futbolçusu ötən mövsüm Çempionlar Liqasının təsnifat mərhələsində “Skenderbeu” ilə oyunlardakı uğursuzluqdan sonra ərəb klubuna icarəyə verilmişdi. O, “Əl-Şaab”da 12 oyuna 1 qol vurub.

Qeyd edək ki, “Neftçi” daha 2 icarədə olan futbolçusunu geri qaytarıb. Bunlar ötən mövsüm “Simurq”da çıxış edən Nicat Qurbanov və “Araz Naxçıvan”ın qapısını qorumuş Emil Balayevdir. 

• “Qalatasaray” zədəli futbolçuları ilə bağlı açıqlama yayıb
• Acunun komandasında yeni müqavilə - RƏSMİ
• “Fənərbaxça” - “Beşiktaş” matçı bu kanalda - TV AFİŞA
• La Liqa: “Real” “Betis” səfərindən xalsız qayıdır
• PSJ-də müqavilə yağışı