Azərbaycan milli komandalarının Antalya toplanışı başa çatır. Apasport.az saytının məlumatına görə, fevralın 20-də Türkiyəyə yollanan 3 yığmamız bir həftəlik hazırlıqları yekunlaşdırıb, bu gün Bakıya qayıdacaq.
Əsas, U-21 və U-16 milliləri qonşu ölkədə olduğu müddətdə yoxlama oyunlarında da qüvvəsini sınayıb. Komandalarımız üst-üstə 6 belə matç keçirib. Robert Prosineçkinin baş məşqçi olduğu əsas komandamız bir, Yaşar Vahabzadənin rəhbərlik etdiyi U-21 iki, Təbriz Həsənovun çalışdırdığı U-16 isə 3 matçda meydana çıxıb.
Komandalarımızın qüvvəsini sınadığı 6 rəqibdən 4-ü klub, 2-si isə yığma olub. Bu matçlarda 3 qələbə qazanıb, 3 dəfə məğlub olan yığmalarımız səfəri heç-heçələrsiz başa vurub.
Millilərin Antalya toplanışında diqqəti çəkən müsbət məqam millilərimizin bütün oyunlarda qol vurmasıdı.
Ümumilikdə isə Türkiyədə 18 qol vuran futbolçularımız 9 top buraxıb.
Əsas yığma
24.02.2015. “Şaxtyor” (Ukrayna) – 1:2
U-21
23.02.2015. “Atırau” (Qazaxıstan) – 2:1
25.02.2015. Qana U-20 – 1:2
U-16
21.02.2015. “Benfika” U-17 (İsveçrə) – 9:0
24.02.2015. Belarus U-17 – 1:2
25.02.2015. “Konnerud” U-17 (Norveç) – 4:2
Oxşar xəbərlər
Ana səhifə
Bütün xəbərlər