Yunanıstanda danışılmış oyunlarla bağlı təhqiqat davam edir. Apasport.az saytının məlumatına görə, aralarında iş adamları, klub rəhbərləri, hakim, federasiya işçisi də yer almış bir çox şəxs məhkəmə önünə çıxacaq.

Danışılmış oyunlarda 3 klub prezidenti şübhəli bilinir. Yunanıstan nəhəngi “Olimpiakos”un prezidenti Vangelis Marinakis, “Levadiakos” klubunun sahibi Yiannis Kobotis, həmçinin, “Atromitos” klubunun prezidenti Giorgos Spanosun qarşısına noyabrın 23-nə kimi klubdakı işlərinə son qoymaları tələbi qoyulub.

Bundan əlavə, “Olimpiakos” prezidenti Marinakis oyunlarn nəticəsini dəyişmək üçün cinayətkar dəstə qurmaqda ittiham olunur.