Serbiyalı hücumçu Daniyel Subotiçin “Qəbələ”nin Avstriya toplanışına gəlməməsinin səbəbi bilinib. Klubun meneceri Səbuhi Səfiyarlının apasport.az saytına verdiyi xəbərə görə, onun hələ də düşərgəyə qoşulmaması ailəsi ilə bağlıdır.

Belə ki, ötən mövsüm çempionatda 12 qol vurmaqla “Qəbələ”nin bombardiri olmuş Subotiçin anası ağır xəstədir. Bu üzdən futbolçu yaşadığı İsveçrədən Avstriyaya gələ bilmir.

Qeyd edək ki, Viktor Mendi ilə Daniyel Subotiçin “Qəbələ” ilə müqaviləsinin müddəti başa çatıb. Artıq seneqallı hücumçu komandanın Avstriya hazırlıqlarına qoşulub və yaxın günlərdə onunla müqavilə bağlanılacağı gözlənilir.   

• Malen "Aston Villa"da
• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər