Futzal üzrə Avropa çempionatının əsas seçmə mərhələsinin Bakıda keçiriləcək IV qrupunda oyunların başlanma vaxtı müəyyənləşib. Apasport.az saytının məlumatına görə, “Sərhədçi” Olimpiya Mərkəzində baş tutacaq turnirin hər turunun ilk oyunu 18:30-da, Azərbaycan millisinin iştirakı ilə keçirilən qarşılaşma isə 21:00-da start götürəcək.
Yığmamız martın 18-də Belçika, 19-da Danimarka, 21-də isə Ukrayna ilə üz-üzə gələcək. Final mərhələsi 2016-cı ildə Serbiyada keçiriləcək yarışa birbaşa vəsiqə qazanmaq üçün komandamız qrup qalibi olmalıdı.
Çünki əsas mərhələnin 7 qalibi birbaşa Serbiyaya vəsiqə əldə edəcək, qrup ikinciləri və ən yaxşı 3-cü yer sahibi isə pley-offda son 4 xoşbəxti müəyyənləşdirəcək.
Avropa çempionatının seçmə mərhələsi
IV qrup
18 mart
18:30. Ukrayna –Danimarka
21:00. Azərbaycan – Belçika
19 mart
18:30. Belçika – Ukrayna
21:00. Azərbaycan –Danimarka
21 mart
18:30. Danimarka –Belçika
21:00. Ukrayna – Azərbaycan
Oxşar xəbərlər
Ana səhifə
Bütün xəbərlər