Bakının “İnter” klubunun daha bir hollandiyalı futbolçu transfer etmək istəyi baş tutmayıb. Apasport.az saytının məlumatına görə, qış fasiləsində Yusef Feniç və Ruben Şakeni sıralarına qatan paytaxt təmsilçisi yarımmüdafiəçinin həmyerlisi Arian Svinkelslə anlaşa bilməyib.

31 yaşlı müdafiəçi maraq dairəsində olduğu klubların təklifini dəyərləndirdikdən sonra “İnter”ə “yox” deyib. Bunadək Belçikanın “Lyers” klubunda çıxış edən Arian vətəninə qayıtmağa üstünlük verib.

Belə ki, “İnter”lə yanaşı, “Breda”dan da təklif alan müdafiəçi sonda “Roda”ya keçməyə qərar verib.

Qeyd edək ki, mərkəz müdafiəçisi 2003-12-ci illərdə Hollandiyanın “Villem”, 2012-14-cü illərdə isə “Lyers”in şərəfini qoruyub. 

• Premyer Liqada ayın ən yaxşısı: Sergey Yakiroviç
• İngiltərə millisinin üzvü daha 5 il “Nyukasl”da
• İsmail Kartal məşqə çıxmadı - YENİLƏNİB
• “Çelsi”də idarəçilik dəyişir - Todd Bouli payını satır
• Vlahoviçin cəzası bəlli oldu