UEFA-nın bayrağı altında keçirilən Regionlar Kubokunun 2014/15 mövsümünün oyun təqvimi açıqlanıb. Apasport.az saytının məlumatına görə, ötən il İtaliyanın Veneto şəhərində keçirilən həlledici final mərhələsinin iştirakçısı olan ölkəmiz birbaşa aralıq təsnifat mərhələsindən mübarizəyə qoşulacaq.
I qrupda yer alan komandamızın rəqibləri Xorvatiya və Latviyadır. Sonuncu rəqibin adına iyulun 23-dən 27-dək Estoniyada keçiriləcək ilkin təsnifat mərhələsinin A qrupunun oyunlarından sonra aydınlıq gələcək.
Ölkəmizi, eləcə də Xorvatiya və Latviyanı bu turnirdə hansı klubun təmsil edəcəyi bilinmir. Ancaq 4-cü klubun adının “Dostık” (Qazaxıstan), “Vesterqötland” (İsveç), “Nort Uels” (Uels) və “Şimali Estoniya”dan (Estoniya) birinin olacağı dəqiqdir.
20 oktyabr
AZƏRBAYCAN – Xorvatiya
Latviya – I təsnifat mərhələsinin A qrupunun qalibi
22 oktyabr
AZƏRBAYCAN – Latviya
Xorvatiya - I təsnifat mərhələsinin A qrupunun qalibi
24 oktyabr
Xorvatiya – Latviya
I təsnifat mərhələsinin A qrupunun qalibi – AZƏRBAYCAN
Qeyd edək ki, aralıq təsnifat mərhələsinin I qrupunun oyunları Xorvatiyada keçiriləcək. Yalnız qrup qalibi 8 komandanın mübarizə aparacağı növbəti mərhələyə vəsiqə qazanacaq. Bu 8 komandadan birinin içərisindən isə meydan sahibi müəyyənləşdiriləcək.
Oxşar xəbərlər
Ana səhifə
Bütün xəbərlər