FİFA milli komandaların reytinq cədvəlini açıqlayıb. Apasport.az saytının məlumatına görə, Azərbaycan yığması fevral üçün tərtib edilən siyahıda irəliləyib.
Saytımızın hələ 10 gün əvvəl yazdığı kimi (http://apasport.az/news/86608) millimiz ötən ayla müqayisədə 1 pillə irəliləyərək, dünyanın 93-cüsü olub. Hesabında 372 xal olan Berti Foqtsun yetirmələri bu göstəricini də yaxşılaşdırıb. Ötən ay 363 xalı olan komandamız aktivinə daha 9 vahid əlavə edib.
Yanvarda açıqlandığı tarixdən sonra millimiz heç bir matça çıxmasa da, yığmamızın xal hesabının artımı irəliləyişə səbəb olub. Bunda Anqolanın enişi də rol oynayıb. Ötən ay planetin 89-cusu olan afrikalılar 6 pillə geriləməklə millimizdən geri düşüb.
Qeyd edək ki, martın 5-də komandamızla yoxlama oyunu keçirəcək Filippin 219 xalla 127-ci yerdədir. Siyahının ilk 3 pilləsi isə dəyişməz qalacaq. İspaniya (1506) 1-ci, Almaniya (1314) 2-ci. Argentina (1255) isə 3-cü yerdə mövqeyini qoruyub. Növbəti reytinq siyahısı martın 13-də açıqlanacaq.
Oxşar xəbərlər
Ana səhifə
Bütün xəbərlər