Azərbaycan və Özbəkistan milliləri arasında yoldaşlıq oyununun baş hakimi Georgi Vadaçkoria ikinci dəfə yığmamızın oyununu idarə edəcək. Apasport.az saytının məlumatına görə, gürcüstanlı FİFA referisi 2 il əvvəl də Bakıda olub.

Vadaçkoria 2012-ci il avqustun 15-də yığmamızın Bəhreynlə yoldaşlı matçında da fit çalmışdı. İsmət Qayıbov adına Bakıxanov qəsəbə stadionunda baş tutan qarşılaşmada millimiz asiyalıları 3:0 hesabı ilə darmadağın etmişdi.

Branimir Subaşiçin 35-ci, Cihan Özkaranın 59-cu, Cavid Hüseynovun 79-cu dəqiqədə vurduğu matçda komandamız penaltidən də yararlana bilməyib. Belə ki, komandamızın kapitnı Rəşad Sadıqov 34-cü dəqiqədə dəqiq olmayıb.

Qeyd edək ki, 37 yaşlı referi UEFA-nın hakimlər üçün 3-cü kateqoriyasına daxildir.

• "Siti"nin hücumçusu Səudiyyə Ərəbistanı klubunda
• Rafael Leao: “Qalatasaray” böyük klubdur”
• Sabiq “Qalatasaray”lı Braziliyada çıxış edəcək
• Aziz Yıldırım Prezident İlham Əliyevlə görüşüb - FOTO
• Əlcəzair millisində yeni baş məşqçi