FİFA prezidenti Yozef Blatter yenidən dünyanın ali futbol qurumuna rəhbərlik etmək arzusunda olduğunu bildirib. Apasport.az saytının məlumatına görə, bu barədə o, Braziliyanın San-Paulu şəhərində keçirilən konfrans zamanı bildirib.
1998-ci ildən FİFA-ya rəhbərlik edən Blatter 2011-ci ildə təkrar bu posta seçilib. Buna qədər o, 2015-ci ildə postunu tərk etmək istədiyini bildirirdi. İndi isə 78 yaşlı futbol məmuru fikrini dəyişib: “Mənim missiyam, bizim ümumi missiyamız hələ başa çatmayıb. Açığını desəm, hazırda irəliyə doğru getmək arzum daha böyükdür”.
Qeyd edək ki, son zamanlar Qətərin 2020-ci il dünya çempionatına ev sahibliyi etməsi ətrafında yaşanan korrupsiya qalmaqalı ilə bağlı çoxları Blatteri kəskin tənqid edərək onu vəzifəsindən getməyə çağırırdılar. FİFA prezidenti isə korrupsiya ittihamlarını qəti rədd edir.
Oxşar xəbərlər
Ana səhifə
Bütün xəbərlər