“İnter”in futbolçusu Havyer Zanetti mövsümün sonunda karyerasını başa vuracaq. Apasport.az saytının məlumatına görə, artıq komandanın sahibi Erik Toxir Zanettinin klubun menecment heyətinə daxil olacağını bəyan edib.
Toxir “İnter”in rəsmi saytına deyib: “Biz artıq 2 aydır ki, Zanetti ilə gələcəyi necə gördüyü ilə bağlı görüşürük. Əslində isə qərar qəbul edilib – Havyer komandanın menecment heyətinə daxil olacaq. Bundan əlavə, komandanın kapitanı ilə razılığa gəlmişik ki, mövsümün sonunda “İnter”ə avrokuboklara vəsiqə qazanmaq lazımdır”.
Zanetti 1995-ci ildən “İnter”də oynayır. O, bu müddət ərzində 5 dəfə İtaliya çempionu olub, 4 dəfə ölkə kubokunu və 4 dəfə Superkuboku qazanıb. Bundan əlavə, UEFA kubokunu (1997/1998), Çempionlar Liqası kubokunu (2009/2010) və klublararası dünya çempionatının kubokunu (2010) başı üzərinə qaldırıb.
Oxşar xəbərlər
Ana səhifə
Bütün xəbərlər