İspaniya millisinin baş məşqçisi Visente del Boske Xavinin yığmanı tərk etməsinə münasibət bildirib. Apasport.az saytının məlumatına görə, mütəxəssis komandanın unikal futbolçunu itirdiyini qeyd edib.

Del Boske Xaviya əvəz tapmağın çox çətin olacağını vurğulayıb: “Xavi komandanın aparıcı oyunçusu idi, onun oyun stilini müəyyən edirdi. Onun həm meydanda, həm də soyunub-geyinmə otağındakı yeri görünəcək. Biz hamımız hesab edirik ki, Xavi milli üçün baş məşqçidən də vacib idi”.

Xatırladaq ki, “Barselona”nın yarımmüdafiəçisi dünən millidəki karyerasını başa vurduğunu açıqlayıb. 2000-ci ildən İspaniya millisində oynayan Xavi 132 oyunda 13 qol vurub.

• "Siti"nin hücumçusu Səudiyyə Ərəbistanı klubunda
• Rafael Leao: “Qalatasaray” böyük klubdur”
• Sabiq “Qalatasaray”lı Braziliyada çıxış edəcək
• Aziz Yıldırım Prezident İlham Əliyevlə görüşüb - FOTO
• Əlcəzair millisində yeni baş məşqçi