Azərbaycan çempionatının I divizionunda çıxış edən “Şahdağ” dünyanın rekordçu klubları sırasına düşüb. Apasport.az saytının məlumatına görə, ardıcıl 5 çempionat oyununda heç-heçə edən Qusar təmsilçisi bu göstəricidə hamıdan öndədi.

Cari mövsümün ilk 3 turunda rəqibləri ilə xalları yarı bölən bu komanda ötən çempionatın son iki matçında da bərabərlik əldə etmişdi. Bu da “Şahdağ”ı davam etməkdə olan heç-heçə seriyalarında rekordçu olması ilə nəticələnib.

Ümumilikdə isə ardıcıl 5 qarşılaşmada heç-heçə edən və seriyası qırılmayan 3 klub var. Təmsilçimizə İrlandiya “Atlon Taun”u və İtaliya “Karrareze” şərikdi.

Qeyd edək ki, qusarlıların ardıcıl heç-heçələrindən ikisi 0:0, üçü 1:1 hesabı ilə başa çatıb.

• Çempionlar Liqası matçları bu kanallarda - TV AFİŞA
• Türkiyə klubunda ayrılıq - RƏSMİ
• “Fənər”də ayrılıq: RUSİYAYA YOLLANDI
• Mbappedən “Qızıl top” açıqlaması – “Səsimi özümə verərdim”
• Vaynaldum “Əl-İttihad”a keçib - RƏSMİ