Avropa Liqasının III təsnifat mərhələsinin cavab oyunu Azərbaycan kubokunun qalibi “Neftçi”nin bəzi futbolçuları üçün yubileylə əlamətdar olacaq. Apasport.az saytının məlumatına görə, Gürcüstanda “Çixura” ilə keçiriləcək görüşdə “ağ-qaralar” avrokuboklarda yubiley qeyd edəcək.
Paytaxt təmsilçisinin aparıcı yarımmüdafiəçiləri Flavinyo ilə Culius Vobay qitə miqyaslı turnirlərdə 20-ci matçlarına çıxacaq. Braziliyalı 19 matçdan 14-nü Çempionlar Liqası, 5-ni Avropa Liqasında keçirib. Afrikalıda isə bu rəqəmlər müvafiq olaraq 12 və 7-yə bərabərdir. Qitənin ən nüfuzlu klub turnirində 11, ikinci dərəcəli yarışda 8 görüşə çıxan Saşa Stamenkoviç də 20-yə çatacaq.
Bu “3-lük”dən yalnız Flavinyo bütün oyunlarını “Neftçi”də keçirib. Vobay 17, Stamenkoviç 16 matçı “ağ-qaralar”ın heyətində meydana çıxıb. Onlar digər oyunlarını müvafiq olaraq “Xəzər Lənkəran” və “Srvena Zvezda”da keçirib.
Cavid İmamverdiyev 15, Karlos Kardoso 5-ci dəfə avrokubokların iştirakçısı olacaq. Ernest Nfor isə Avropa Liqasında 5-ə çatacaq.
Oxşar xəbərlər
Ana səhifə
Bütün xəbərlər