“Qalatasaray” və Rumıniya futbolunun canlı əfsanəsi Georgi Hacının oğlu “Cim-Bom”un şərəfini qorumaq istəyir. Apasport.az saytının məlumatına görə, kiçik Hacı bu barədə transferi ilə bağlı danışarkən deyib.

“Qalatasaray” başqanı Ünal Aysalın da komandaya cəlb etmək istədiyi 15 yaşlı futbolçu “Qalatasaray” formasını sevə-sevə geyəcəyini vurğulayıb. Hazırda Rumıniya “Konstanta”sının gənclər komandasında oynayan Lanis Hacı karyerasına birinci liqada başlayacağını vurğulayıb: “Amma Rumıniyada ancaq atamın da oynadığı Buxarest “Dinamo”su və “Konstanta”da oynaya bilərəm. Sonra isə xaricdə oynamaq istəyirəm. Çempionlar Liqası həyəcanı yaşamaq arzusundayam. İstanbulda doğuldum. “Qalatasaray”a gedərəm. Çünki orada komanda ruhu var”.

Qeyd edək Ki, Türkiyədə doğulan kiçik Hacının həm də Türkiyə vətəndaşlığı var.

• “Qarabağ”ın sabiq futbolçusu Şotlandiyada ayın yaxşısı seçildi
• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi
• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər