Kimdir güclü: “Neftçi”, yoxsa “Qarabağ”?

29.04.2014 - 14:04

Topaz Premyer Liqasında XXXII turun oyunları başa çatdı. Bu isə o deməkdir ki, komandalar ötən mövsümkü qədər matça çıxıblar. Apasport.az saytının məlumatına görə, oyun sayı bərabər olduğundan müəyyən müqayisələr də aparmaq mümkündür. Xüsusilə, ötən mövsümün çempionu “Neftçi” ilə hazırkı lider “Qarabağ”ın göstəricilərini nəzərdən keçirmək olar.

Bakılılar 32 oyunda 62 xal toplamaqla qızıl medallara sahib olmuşdusa, Ağdam təmsilçisi 68 xalla daha yaxşı nəticəyə malikdir. Qurban Qurbanovun yetirmələri Böyükağa Hacıyevin komandası ilə müqayisədə 1 qələbə artıq qazanıb.

Məğlubiyyət sayında isə “Qarabağ” son çempiondan iki dəfə az uduzub. Paytaxt təmsilçisi 8 yenilgi ilə 1-ci olmuşdusa, ağdamlılar bunun yarısı qədər uduzub. Hesabında 2 qol artıq olan əyalət təmsilçisi məhsuldarlıqda da öndədir. Buraxılan toplardakı fərqi isə daha böyükdür. Burada lider çempiondan 15 top az buraxıb.

Maraqlıdır ki, autsayderlərin topladığı xallar eynidir. Ötən mövsüm “Kəpəz”, indi isə “Rəvan” cəmi 19 xal əldə edib. Amma bir fərq var ki, 1 il əvvəl 12, indi isə 10 komanda mübarizə aparır.

2013/14 mövsümü

32 turdan sonra

1	Qarabağ	32	20	8	4	61-17	68
2	İnter	32	18	6	8	54-32	60
3	Neftçi	32	16	7	9	45-39	55
4	Qəbələ	32	15	6	11	40-33	51
5	Bakı	32	14	8	10	48-38	50
6	Simurq	32	11	10	11	33-25	43
7	Xəzər L	32	9	12	11	32-45	39
8	AZAL	32	6	11	15	28-45	29
9	Sumqayıt	32	4	10	18	24-52	22
10	Rəvan	32	3	10	19	18-57	19

2012/13 mövsümü

Yekun cədvəli

1	Neftçi	32	19	5	8	59-32	62
2	Qarabağ	32	16	11	5	43-26	59
3	İnter	32	16	9	7	38-22	57
4	Simurq	32	12	12	8	32-26	48
5	Bakı	32	9	14	9	33-27	41
6	Qəbələ	32	10	8	14	32-40	38
7	AZAL	32	16	9	7	57-32	57
8	Rəvan	32	12	4	16	46-54	40
9	Xəzər L	32	10	10	12	40-37	40
10	Sumqayıt	32	9	8	15	31-49	35
11	Turan	32	8	6	18	34-59	30
12	Kəpəz	32	5	4	23	23-64	19