Rusiyanın paytaxtı Moskvada yaxın keçmişin tanınmış futbolçularının iştirakı ilə “Əfsanələr Kuboku” adlı ənənəvi turnir start götürüb. Apasport.az saytının məlumatına görə, yaşı 35-dən yuxarı olan sabiq futbolçuların qatılacağı turnirə Azərbaycan yığmasının sabiq qapıçısı Dmitri Kramarenkonun heyətində yer aldığı "Ulduzlar yığması" ilk oyununda Portuqaliya ilə üz-üzə gəlib.

Təmsilçimizin komandası 5:11 hesabı ilə uduzub. Növbəti matçında isə İtaliyanı 9:3 hesabı ilə məğlub edib.

Bu nəticələrdən sonra "Ulduzlar yığması" qrup ikincisi olub.

Bu gün keçiriləcək final qarşılaşmasında Portuqaliya ilə Rusiyanın veteranları üz-üzə gələcək. Kramarenkonun komandası isə üçüncü yer uğrunda Hollandiya ilə görüşəcək.

• “Fənərbaxça”da İsmail Kartal dövrü başa çatdı – İstefası qəbul edildi
• Premyer Liqada ayın oyunçusu müəyyənləşib
• Vlahoviçin cəzası qüvvədə qaldı – “Erzurumspor" matçını buraxacaq
• Premyer Liqada ayın ən yaxşısı: Sergey Yakiroviç
• İngiltərə millisinin üzvü daha 5 il “Nyukasl”da