Növbəti mövsüm “Qəbələ”də çıxış etməyəcək futbolçulardan daha birinin adı rəsmən müəyyənləşib. Apasport.az saytının məlumatına görə, bu, Yuri Syominin Donetsk “Metallurq”undan transfer etdiyi Leonardo da Silva Souzadır.

Qış fasiləsinə kimi “Qəbələ”də özünü yaxşı tərəfdən göstərən braziliyalı yarımmüdafiəçinin müqaviləsinin müddəti başa çatıb. Ancaq onunla yeni müqavilə bağlanmayıb. Futbolçu ötən mövsüm “Qəbələ”nin 31 çempionat oyununda 7 qola imza atmışdı.

Qeyd edək ki, mövsüm başa çatdıqdan sonra “Qəbələ”dən ayrılan futbolçular Marat İsmayılov, Dieqo Koşta, David Petjkeviç, Nikola Valentiç, Lorival Assis, Davron Erqaşev, Elmar Baxşıyev, Abdulvahid Afolabi, İbrahima Niass, Lorentso Ebesilio və Amit Quluzadə olub.
 

• Malen "Aston Villa"da
• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər