“Neftçi”nin yayda heyətinə qatdığı Melvin Platye komandanı birdəfəlik tərk edib. Apasport.az saytının əldə etdiyi məlumata görə, Hollandiyanın NEK klubundan transfer olunan 25 yaşlı futbolçu burda olduğu müddətdə özünü doğrulda bilməyib.

İsveçin elita təmsilçisi, vaxtı ilə milli komandamızın hücumçusu Anatoli Ponomaryovun 2005-2006-cı ildə çıxış etdiyi “Kalmar”dan gələn təklif “Neftçi” üçün göydəndüşmə olub. Belə ki, hollandiyalı hücumçunun müqaviləsi mövsümün sonuna kimi qaldığından, Platye Kalmar təmsilçisinə icarəyə verilib. Bu isə o deməkdir ki, Melvin bir daha “Neftçi”də forma geyinməyəcək. Yeri gəlmişkən, bu keçiddə hazırda FİFA meneceri kimi ölkəmizi təmsil edən Ponomaryovun rolu olması ehtimal edilir.

Qeyd edək ki, Melvin Platye “Neftçi”də 14 çempionat oyununa çıxıb və penaltidən 1 qol vurub. Onun yeni klubu isə ötən mövsümü IV pillədə başa vurub.

• “Qarabağ”ın sabiq futbolçusu Şotlandiyada ayın yaxşısı seçildi
• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi
• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər